Daar is baie mense wat sukkel om in God te glo, of om in God te bly glo, juis omdat daar soveel lyding in ons wêreld is. Kyk net al die lyding, die miljoene mense wat van honger geweld of in natuurrampe sterf, weerlose mense uitgelewer aan die gebrokenheid van ons wêreld. Kyk maar hoe swaar kry selfs die aarde, God se skepping! Waar is God in dit alles? Hoe kan ons in ‘n God glo wat toelaat dat al die lyding gebeur? So vra die mense wat sukkel om te glo. Paulus probeer in Romeine 8 hierop antwoord.