Paulus gee hier ‘n opsomming van ons Christelike geloof – drie  kernwaarhede van die evangelie. Dit dien as ‘n baie vroeë geloofsbelydenis. Die drie pilare waarop ons geloof staan, is: (1) Christus het vir ons sonde gesterf, (2) Hy is begrawe, met ander woorde Hy was werklik dood, en (3) Hy is op die derde dag uit die dood opgewek. Dit is die wesenlike, die hart van die evangelie,  skryf Paulus hier.