In die Evangelie van Matteus is dit ‘n bekende en belangrike verhaal. Die tollenaar wat Jesus hier in die dorp Kapernaum geroep het, se naam was ook Levi – so noem Markus en Lukas hom. Maar hier word hy Matteus genoem. Die skrywer van die Matteus-evangelie maak dit duidelik: dis oor myself wat ek hier skryf. Dis my persoonlike roepingsverhaal. Niemand minder as ekself was daardie tollenaar wat daardie dag geroep is nie. Dis asof Matteus wil sê: “Ek skryf hier heel persoonlik, oor myself, en my verhouding met die Here Jesus. Dis vir my belangrik dat julle fyn sal hoor wat ek hier vertel.”